این ٹی ٹی کمیونی کیشنز ملائیشیا میں نیا ڈیٹا سینٹر شروع کرے گا

ٹوکیو اور سائبرجایا، ملائیشیا، 18 اپریل/کیوڈو جے بی این-ایشیانیٹ/ ایشیانیٹ پاکستان ۔۔

این ٹی ٹی کمیونی کیشنز کارپوریشن (این ٹی ٹی کام) نے 18 اپریل کو اعلان کیا کہ وہ رواں ماہ نئے سائبرجایا 4 ڈیٹا سینٹر کی تعمیر کا آغاز کرے گا، جس سے کمرشل آپریشنز کے آغاز کا ہدف مئی 2014ء ہے۔

ملائیشیا سائبرجایا 4 ڈیٹا سینٹر (CBJ4) ملائیشیا میں چوتھا ڈیٹا سینٹر ہوگا جو جنوب مشرقی ایشیا کی مارکیٹ کی بڑھتی ہوئی ضروریات کو پورا کرے گا۔ اس کا جدید ترین ڈیزائن این ٹی ٹی کام کو آفات کے بعد بحالی، منظم سروسز اور پیشہ ورانہ تربیت کے لیے نئے کاروباری حل فراہم کرنا ممکن بنائے گا، یہ سب پلیٹ فارم-ایز-اے-سروس (PaaS) اور انفرا اسٹرکچر-ایز-اے-سروس(Iaas) بزنس ماڈلز کی حیثیت سے نافذ کیے جائیں گے۔

سی بی جے 4 کمرشل اور ہمہ وقت بجلی، کولنگ، پاور جنریٹر اور پاور ڈسٹری بیوشن، اور آگ اور سیلاب سے تحفظ کے لیے جدید سسٹمز کے لیے وافر نظام پیش کرے گا۔ تنصیب کا 24 گھنٹے 7 دن دفتری ماحول کاروباری عمل کی آؤٹ سورسنگ کی وسیع رینج کو ممکن بنائے گا۔

صارفین این ٹی ٹی کام کی عالمی آئی پی بیک بون اور آرک اسٹار یونیورسل ون گلوبل آئی پی- وی پی این کے ذریعے برق رفتار اور بڑی گنجائش کی انٹرنیٹ رسائی کا لطف اٹھائیں گے۔ ملائیشیا، جاپان، فلپائن، ہانگ کانگ اور سنگاپور کو ملانے والی ایشیا سب میرین-کیبل ایکسپریس سی بی جے 4 صارفین کو اینڈ-ٹو-اینڈ اور ون-اسٹاپ بنیادوں پر انتہائی کم پوشیدگی، اضافی قابل بھروسہ نیٹ ورک، ڈیٹا سینٹر اور کلاؤڈ سروسز فراہم کرے گی۔

این ٹی ٹی کام کے مکمل ملکیتی ملائیشیا ادارے این ٹی ٹی ایم ایس سی کے صدر اور سی ای او فومی توشی ایمائی زومی نے کہا کہ “ملائیشیا ڈیٹا سینٹرز کے لیے عالمی معیار کے ترجیحی مرکز بننے کے لیے بہترین پوزیشن میں ہے۔ حکومت کی وسیع سرمایہ کاری پالیسیاں، مضبوط بنیادی ڈھانچہ، آئی ٹی تجربہ رکھنے والے افراد کی بڑے پیمانے پر فراہمی اور کثیر لسانی باصلاحیت افراد غیر ملکی سرمایہ کاروں کو واضح فوقیت دیتے ہیں، خصوصاً آفات کے بعد بحالی اور آف شور ری لوکیشن کے حوالے سے۔ ہماری نئی ٹیئر-III تیار تنصیب ہمیں مقامی و عالمی طلب کو پورا کرنے کے لیے اعلیٰ ترین معیار کی سروس فراہم کرنا ممکن بناتی ہے۔”

سی بی جے 4 ٹیلی کمیونی کیشنز انڈسٹری ایسوسی ایشن (TIA)، اپ ٹائم انسٹیٹیوٹ انکارپوریٹڈ (TUI) اور امریکن سوسائٹی آف ہیٹنگ، ریفریجریٹنگ اینڈ ایئرکنڈیشننگ انجینئرز انکارپوریٹڈ (ASHRAE) جیسے اداروں کے مروجہ عالمی معیارات کے مطابق بہترین معیار اور کم خرچ کی سروسز پیش کرے گا۔ یہ بین الاقوامی سرٹیفکیشن کا بھی تسلیم کردہ ہے جیسا کہ لیڈرشپ ان انرجی اینڈ ماحولیاتی ڈیزائن (LEED) اور ملائیشیا کی ایکو ریٹنگ گرین بلڈنگ انڈیکس (GBI)، جو این ٹی ٹی کام کی ماحول دوست ڈیٹا سینٹر کی تعمیر سے وابستگی کو ظاہر کر رہے ہیں۔ ماحول دوست ٹیکنالوجیز اور جدید طریقوں کا بھرپور استعمال آئی سی ٹی آلات اور تنصیبات کے ماحولیات پر پڑنے والے اثرات کو کم سے کم کرنے میں مدد دے گا۔

این ٹی ٹی کمیونی کیشنز کارپوریشن کے بارے میں

این ٹی ٹی کمیونی کیشنز اداروں کے انفارمیشن اور کمیونی کیشنز ٹیکنالوجی (آئی سی ٹی) ماحول کو بہتر بنانے کے لیے مشاورت، ڈھانچہ، حفاظت اور کلاؤڈ سروسز فراہم کرتا ہے۔ ان پیشکشوں کو ادارے کے عالمی بنیادی ڈھانچے کی مدد حاصل ہے، جس میں معروف عالمی ٹیئر-1 آئی پی نیٹ ورک آرک اسٹار یونیورسل ون (ٹ م) وی پی این نیٹ ورک شامل ہے جو 150 سے زائد ممالک اور 140 سے زیادہ محفوظ ڈیٹا سینٹرزتک رسائی رکھتا ہے۔ این ٹی ٹی کمیونی کیشنز کے حل این ٹی ٹی گروپ کمپنیوں کے عالمی وسائل کو سہارا دیتے ہیں جن میں ڈائی مینشن ڈیٹا، این ٹی ٹی ڈوکومو اور این ٹی ٹی ڈیٹا شامل ہیں۔ http://www.ntt.com/index-e.html | www.twitter.com/nttcom | www.facebook.com/nttcomtv | http://www.linkedin.com/company/ntt-communications

این ٹی ٹی ایم ایس سی سندیریان برہاد کے بارے میں

2 جولائی 1997ء کو انکارپوریٹ بننے والا این ٹی ٹی ایم ایس سی این ٹی ٹی (نپون ٹیلی گراف اینڈ ٹیلی فون کارپوریشن) کے بین الاقوامی اور طویل الفاصلاتی ادارے این ٹی ٹی کمیونی کیشنز کا مکمل ملکیتی ماتحت ادارہ ہے، جس کا ادا کیا گیا سرمایہ 140 ملین ملائیشیائی رنگیٹ ہے۔ این ٹی ٹی ایم ایس سی کو 1997ء میں ایم ایس سی ملائیشیا کے مقاصد کی تکمیل اور ایم ایس سی ملائیشیا میں بہترین ایپلی کیشنز کی تیاری کی سربراہی پر حکومت ملائیشیا کی جانب سے ملٹی میڈیا سپر کوریڈور (MSC) پائینیئر اسٹیٹس سے نوازا گیا تھا۔

این ٹی ٹی ایم ایس سی موجودہ کاروباری اور مارکیٹ کی کثیر الجہتی ضروریات کو اطمینان بخش و جامع انداز میں پورا کرنے کے لیے انٹرنیٹ اور منظم نیٹ ورک سروسز کا مکمل مجموعہ فراہم کرتا ہے۔ اس کی کاروباری سرگرمیاں عالمی نیٹ ورک اور آئی پی سروسز سے لے کر انٹرنیٹ اور ڈیٹا سینٹر سروسز کی مکمل رینج تک پھیلی ہوئی ہیں۔ این ٹی ٹی ایم ایس سی سروسز کے بارے میں مزید معلومات کے لیے www.my.ntt.com ملاحظہ کیجیے۔

ذریعہ: این ٹی ٹی کارپوریشن