این ٹی ٹی کام گروپ دنیا بھر میں اداروں کو محفوظ بنانے کے لیے مکمل رسک مینجمنٹ سروس پیش کرتا ہے

ٹوکیو، 7 فروری/کیوڈو جے بی این-ایشیانیٹ/ایشیانیٹ پاکستان

این ٹی ٹی کام گروپ، بشمول این ٹی ٹی کمیونی کیشنز (این ٹی ٹی کام)، انٹیگرالس اے جی اور سیکوڈ اے بی اور این ٹی ٹی سیکیور پلیٹ فارم لیبارٹریز کے اتحاد نے مشترکہ طور پر 7 فروری کو اعلان کیا ہے کہ وہ دنیا بھر میں اداروں کو درپیش سیکورٹی خطرات بشمول برہدف حملوں کی قبل از وقت شناخت اورتجزیے کے لیے ایک سیکورٹی انفارمیشن ایونٹ مینجمنٹ (SIEM) ٹیکنالوجی متعارف کروا رہا ہے۔

http://prw.kyodonews.jp/opn/release/201302079793/

اسمارٹ فونز اور ٹیبلٹس کا پھیلاؤ اور ساتھ ساتھ کلاؤڈ ٹیکنالوجیز میں ہونے والی جدت نے دنیا بھر میں ہموار آئی ٹی ماحول تخلیق کرنے کو ممکن بنایا ہے۔ البتہ اسی دوران بڑھتے ہوئے سیکورٹی خطرات، جیسا کہ غیر قانونی رسائی، وائرسز اور انفارمیشن کا رساؤ، دائمی مسئلہ بن چکا ہے جسے مختلف انفارمیشن اور کمیونی کیشنز ٹیکنالوجی ماحول کے لیے فوری حل کی ضروری ہے۔

نئی ایس آئی ای ایم ٹیکنالوجی جدید خودکار ارتباط تجزیے کے ذریعے خطرات کو شناخت کرتی ہے اور خطرے کی سطحوں کی خودکار طور پر پیمائش کرتی ہے۔ یہ طویل المیعاد لاگ مانیٹرنگ کے ذریعے حملوں کا کھوج لگانے کے لیے این ٹی ٹی سیکیور پلیٹ فارم لیبارٹریز کی ڈیزائن کردہ جدید ٹیکنالوجیز کو یکجا کرتا ہے اور ایک بلیک لسٹ جنریشن انجن بھی رکھتا ہے جو خطرے کی حامل سائٹس کو موثر اندازمیں تلاش کرتا ہے؛ اور ساتھ ساتھ ایک جامع سیکورٹی انفارمیشن ڈیٹابیس بھی بناتا ہے۔

اکیرا اریما، سی ای او این ٹی ٹی کمیونی کیشنز، نے کہا کہ “دنیا بھر میں این ٹی ٹی کام ڈیٹاسینٹرز میں ایس آئی ای ایم پر ہماری سرمایہ کاری عالمی مینیجڈ سیکورٹی سروسز وژن  کی جانب پہلا قدم ہے۔ ڈیٹا سینٹر میں نئی سروسز پیش کر کے این ٹی ٹی کام اپنے سیکورٹی ساتھیوں انٹیگرالس اور سیکورڈ کے ساتھ بالآخر ان کو ایک انٹرپرائز صارفی ماحول میں فلٹر کرنے کے قابل ہوگا؛ روزمرہ عمل اور انٹیلی جنس کے ساتھ ان کی مدد “کلاؤڈ تک محفوظ راستے” کومتعین کرتی ہے۔”

انہوں نے گفتگو جاری رکھتے ہوئے کہا کہ “ایس آئی ای ایم ٹیکنالوجی ایک عالمگیر سیکورٹی سروس پلیٹ فارم کی حیثیت سے کام کرے گی جو این ٹی ٹی کام گروپ کو خطے کے مخصوص خطرات کے لیے زیادہ جامع سروسز پیش کرنے کے قابل بنائے گی۔ ہم خطرے کی پیش بینی اورگروپاراکین کے مابین شیئر ہونے والی خطرے کی معلومات کی بنیاد پردستیاب جوابی تدبیر پر بھی مشاورت فراہم کریں گے۔”

انٹیگرالس اے جی کے سی ای او سائمن چرچ نے کہا کہ “این ٹی ٹی کام کی جانب سے سیکورٹی پر حالیہ توجہ کے ساتھ ہم عالمی سطح پر اپنی سروسز، ٹیکنالوجی اور ماہر ٹیم  میں بڑی سرمایہ کاری جاری رکھے ہوئے ہیں ، جو صارفین کو ترقی اور اپنے کاروبار کو تبدیل کرنے کے لیے درکار رسک مینجمنٹ اور آئی ٹی سیکورٹی سروسز فراہم کرتی ہے۔”

چرچ نے مزید کہا کہ “مینیجڈ سیکورٹی سروس کے حصے کے طور پر ایس آئی ای ایم ٹیکنالوجی کو متعارف کروانا سیکورٹی تجزیے اور خطرے کی معلومات کو اپنے صارفین تک پہنچانے کا طریقہ ہی بدل دیتا ہے۔ جدید اداروں میں ریموٹ ڈیوائس مینجمنٹ ضروری ہے۔ البتہ ان ڈیوائسز سے معلومات حاصل کرنا، اور کاروباری اداروں کو موزوں تجزیہ فراہم کرنا تاکہ وہ خطرے اور سیکورٹی پروفائل کے حوالے سے  بہتر اور معلومات کی بنیاد پر فیصلہ کر سکیں، ضروری ہے، خصوصاً ان حالات میں کہ خطرے کا منظرنامہ مستقل تبدیل ہو رہا ہے۔”

این ٹی ٹی کام گروپ اپنے صارفین کے انفارمیشن اینڈ کمیونی کیشنز ٹیکنالوجی (ICT) ماحول کے گرد خطرات کو سنبھالتا ہے جو اس کے بھروسہ مند مشاورتی طریقوں کی بنیاد پر ہوتی ہے، جس میں اپ گریڈنگ اور مستقل مانیٹرنگ شامل ہیں۔ یہ طریقہ ایک کاروباری ماحول میں انتظام و انصرام، خطرے اور معیارات کے مطابق ہونے  (GRC) کے تجزیے، 12 معیارات کی بنیاد پر جانچ، بشمول اثاثہ جات کے انتظام اور معیارات کے مطابق ہونے؛ خلا کے تعین کے لیے صنعتی کی اوسط سطح کا تقابل؛ اور ہدف کا تعین؛ بہتری کی منصوبہ بندی؛ منصوبے کا نفاذ اور محفوظ آپریشنز کے ذریعے مستقل مانیٹرنگ۔

ایس آئی ای ایم انجن کو سیکورٹی رسک مشاورت، سیکورٹی مینجمنٹ سسٹمز، مینیجڈ سیکورٹی سروسز اور موبائل ڈیوائس مینجمنٹ سروسز جیسی موجودہ پیشکشوں میں شامل کر کے این ٹی ٹی کام گروپ پلیٹ فارم کو بہتر، مکمل رسک مینجمنٹ سروسز کے اجراء کے لیے استعمال کرے گا، جس میں صارفین کے آئی سی ٹی ماحول کے لیے کسی بھی قسم کے سیکورٹی خطرے کی تقویم، بہتری و مانیٹرنگ کے لیے جامع مشاورت اور آپریشن دونوں شامل ہوں گے۔

این ٹی ٹی کام گروپ سیکورٹی آلات کی اپنی صف اور نئے سیکورٹی سروس پلیٹ فارم کے لیے سروسز کو بہتر بنانے کے ذریعے مکمل رسک مینجمنٹ سروسز کی اصلاح جاری رکھے گا، جس میں ارتباط کے تجزیے کے ذریعے واقعے کو شناخت کرنے اور خطرے کی سطح کی خودکار جانچ، اور ڈیٹابیس کی اپ ڈیٹنگ جیسے معاملات کی اپ گریڈنگ شامل ہے۔

ٹیکنالوجی مارچ میں جاپان اور امریکہ میں اور بعد ازاں دنیا بھر کی مارکیٹوں میں نئے سیکورٹی سروس پلیٹ فارم کی حیثیت سے جاری کی جائے گی۔ این ٹی ٹی کام گروپ کے سیکورٹی آپریشن سینٹرز، جو جاپان، امریکہ، سنگاپور، برطانیہ، سویڈن اور ناروے میں قائم ہیں، اور ساتھ ساتھ ملائیشیا میں بھی جلد نیا مقام کھولا جائے گا، کو گلوبل رسک آپریشن سینٹرز کی حیثیت سے ازسر نو منظم کیا جائے گا تاکہ وہ ماہر رسک اینالسٹس کی مدد سے سیکورٹی مانیٹرنگ پیش کر سکیں۔

این ٹی ٹی کمیونی کیشنز کارپوریشن کے بارے میں

این ٹی ٹی کمیونی کیشنز کاروباری اداروں کی انفارمیشن اینڈ کمیونی کیشنز ٹیکنالوجی (آئی سی ٹی) کو آپٹمائز کرنے کے لیے مشاورت، ڈھانچہ، سیکورٹی اور کلاؤڈ سروسز فراہم کرتی ہے۔ ان پیشکشوں کو کمپنی کے عالمی بنیادی ڈھانچے کا سہارا حاصل ہے، جس میں معروف عالمی ٹیئر-1 آئی پی نیٹ ورک آرک اسٹار یونیورسل ون (ٹ م) وی پی این نیٹ ورک شامل ہے جو 150 سے زائد ممالک اور 140 سے زیادہ محفوظ ڈیٹاسینٹرز تک رسائی رکھتا ہے۔ این ٹی ٹی کمیونی کیشنز کے حل این ٹی ٹی گروپ کمپنیوں کے عالمی وسائل کو موثر بناتے ہیں، جن میں ڈائی مینشن ڈیٹا، این ٹی ٹی ڈوکومو اور این ٹی ٹی ڈیٹا شامل ہیں۔

مزید معلومات: www.ntt.com/index-e.html

www.twitter.com/nttcom

www.facebook.com/nttcomtv

انٹیگرالس کے بارے میں

انٹیگرالس عالمی بنیادوں پر آئی ٹی سیکورٹی اور انفارمیشن رسک مینجمنٹ حل پیش کرتا ہے۔ ہم مینیجڈ سیکورٹی، بزنس انفرا اسٹرکچر، مشاورت اور ٹیکنالوجی انٹیگریشن سروسز کا پورٹ فولیو رکھتے ہیں۔ ہم کم آئی ٹی اخراجات کے حامل اداروں کو سیکورٹی پروٹیکشن، معیارات سے مطابقت اور سروس دستیابی کی گہرائی کو بڑھانے میں مدد فراہم کرتے ہیں۔ انٹیگرالس کے صدر دفاتر اسماننگ، جرمنی میں واقع ہیں اور یہ این ٹی ٹی کمیونی کیشنز گروپ کا حصہ ہے، جو دنیا کی سب سے بڑی ٹیلی کمیونی کیشنز کمپنیوں میں سے ایک این ٹی ٹی (نپون ٹیلی گراف اینڈ ٹیلی فون کارپوریشن) کی ملکیت ہے۔ مزید معلومات کے لیے ملاحظہ کیجیے www.integralis.com۔

ذریعہ: این ٹی ٹی کمیونی کیشنز کارپوریشن، انٹیگرالس اے جی، سیکوڈ اے بی، نپون ٹیلی گراف اینڈ ٹیلی فون کارپوریشن