این ٹی ٹی کام دفتری شاخ کے ذریعے میانمار کی مارکیٹ میں داخل

AsiaNet 51044

ٹوکیو،17 اکتوبر 2012ء/کیوڈو جے بی این-ایشیانیٹ/اییشانیٹ پاکستان

این ٹی ٹی کمیونی کیشنز کارپوریشن (این ٹی ٹی کام) نے 17 اکتوبر کو اعلان کیا ہے کہ اس کے ماتحت ادارے این ٹی ٹی کمیونی کیشنز (تھائی لینڈ) کمپنی لمیٹڈ نے ینگون، میانمار میں دفتری شاخ کا آغاز کر دیا ہے۔ مقامی کیریئرز کے ساتھ تعاون سے یہ شاخ آئی سی ٹی حل فراہم کرے گی جو کثیر القومی اداروں کو اپنے آپریشنز کو قابل بھروسہ، لچک دار اور محفوظ انداز سے میانمار میں پھیلانے کو ممکن بنائے گی۔

(تصویر: http://prw.kyodonews.jp/opn/release/201210167654)

یہ کسی بھی غیر ملکی ٹیلی کمیونی کیشنز کمپنی کی جانب سے میانمار میں شروع کی گئی پہلی شاخ ہے۔ یہ شاخ تسویوشی کاواشیما کی زیر صدارت ہے، جو این ٹی ٹی کمیونی کیشنز (تھائی لینڈ) کے صدر ہونے کے ساتھ ساتھ اس کی نوم پنہ اور وین تیان شاخوں کے مینیجرہیں۔ دفتری شاخ # 1504، 15 ویں منزل، سکورا ٹاور، 339، بوگیوک آنگ سان روڈ، کیوکتادا ٹاؤن شپ، ینگون میں واقع ہے (ٹیلی فون 951-255-032)۔

این ٹی ٹی کام اس وقت عظیم تر میکانگ خطے بشمول میانمار میں کثير القومی اداروں کو کلاؤڈ، انٹرنیشنل اور لوکل نیٹ ورکس، ڈیٹا سینٹرز اور سسٹم انٹگریشن اینڈ سیکورٹی فراہم کر رہا ہے۔

وافر افرادی قوت اور قدرتی وسائل کے باعث میانمار میں آگے بڑھنے کی زبردست صلاحیت ہے۔ یہ، خصوصاً مارچ 2011ء میں فوجی اقتدار کے خاتمے کے ساتھ، ایک نئی مارکیٹ کی حیثیت سے ابھرا ہے۔

عظیم ترین میکانگ خطے میں کثیر القومی اداروں کی بڑھتی ہوئی تعداد اپنے کاموں کو پھیلا رہی ہے، جسے ویت نام، لاؤس، تھائی لینڈ اور میانمار جیسے مشرق-مغرب اقتصادی گزرگاہ میں بنیادی ڈھانچے کی بہتری؛ کنمنگ-بنکاک ایکسپریس وے جو تھائی لینڈ، لاؤس، میانمار اور چین کے صوبے یوننان؛ اور جنوبی اقتصادی گزرگاہ جو ویت نام، کمبوڈیا اور تھائی لینڈ کو ملاتی ہے، کا سہارا حاصل ہے۔

عظیم ترین میکانگ خطے میں کثیر القومی ادارے اپنی پیداوار، تقسیم کاری اور فروخت کے نظاموں کو تیزی سے مستحکم کرنے کے ساتھ ساتھ قدرتی آفات اور سیاسی غیر یقینی کیفیات کا سامنا کرنے کے لیے کاروباری تسلسل کو محفوظ بنا رہے ہیں، اور یہ تمام خطے اور اس سے آگے بھی دستیاب اعلیٰ معیار کی آئی سی ٹی سروسز کی طلب میں اضافہ کو بڑھا رہے ہیں۔

میانمار شاخ کے اضافے کے ساتھ این ٹی ٹی کام کا ماتحت اداروں اور دفاتر کا جال عظیم ترین میکانگ خطے کے پانچ ممالک کے سات شہروں تک، اور 31 ممالک/خطوں کے 87 شہروں تک پھیل چکا ہے۔

 این ٹی ٹی کمیونی کیشنز کارپوریشن کے بارے میں

ملاحظہ کریں   www.ntt.com/index-e.html

 مزید معلومات: www.twitter.com/nttcom

www.facebook.com/nttcomtv

 ذریعہ: این ٹی ٹی کمیونی کیشنز کارپوریشن